Kryetari i PD-së, Sali Berisha prezantoi koalicionin: “Aleanca për Shqipërinë Madhështore”, ku në fjalën e tij tha se ky koalicion është pritur me gëzim nga mbarë shqiptarët.
Berisha: Ky koalicion nis garën elektorale përballë një narkoregjimi, i lidhur kokë e këmbë, kokë e xhep me krimin dhe korrupsionin. Ky koalicion nis garën elektorale me një epërsi të jashtëzakonshme elektorale.
Prej dy muajsh, PD dhe aleatët e saj kanë bërë fushatën elektorale më të suksesshme të tyre jashtë vendit. Angazhimi i PD dhe aleatëve të saj në fushatë elektorale me shqiptarët jashtë vendit ka provuar, ka ndezur zemrat dhe shpresat e tyre. Ka provuar një entuziazëm dhe vendosmëri të paparë nga shqiptarët nga 1990 deri më sot. Me të drejtë unë dhe ju do ta quajmë 2025 vitin e diasporës.
E meritojnë plotësisht. Ai reagimi i tyre i fuqishëm. Ai entuziazmi i jashtëzakonshëm, ajo vendosmëri e madhe për të marrë pjesë në zgjedhje dhe për të votuar opozitën është dëshmi e një dashurie të paprekur të tyre ndaj Shqipërisë demokratike.
PD dhe aleatët nisin fushatën me një epërsi të pakrahasueshme me kundërshtarin tonë, padrionon e narko shtetit dhe bandat e tij.
Ne paraqesim një projekt që Shqipëria nuk e ka njohur kurrë më parë. Ne paraqesim një projekt në pamje të parë i largët, por është absolutisht ëndrra më e bukur e ditës dhe jo e natës e cdo shqiptari.
Çfarë paraqet pala tjetër, paraqet hardhucë, bretkosa, zhapa dhe tani i kanë ngelur në gojë….Ku je Kujtim? Jepja ato mustaqe, se çmendet pas mustaqeve të tua. Kujtim, unë e ti e njohim nga ana psikologjike dhe ja di arsyet pse e ka atë.