Forcat ruse shkatërruan infrastrukturën e energjisë dhe gazit të Ukrainës në sulmin e tyre të fundit me dron dhe raketa.
“Edhe një herë, infrastruktura e energjisë dhe gazit në rajone të ndryshme të Ukrainës është vënë nën goditje masive me raketa dhe dron”, tha ministri i Energjisë, së Ukrainës. “Kudo që është e mundur, ekipet e shpëtimit dhe inxhinierët e energjisë po punojnë për të eliminuar pasojat. Po merren të gjitha masat e nevojshme për të stabilizuar furnizimin me energji dhe gaz,” shtoi ai. Sulmi dëmtoi objektet e prodhimit të gazit natyror të firmës shtetërore të naftës dhe gazit të Ukrainës Naftogaz, tha kompania në një deklaratë.
Po ashtu në qytetin verilindor të Kharkiv, forcat ruse goditën një ndërmarrje civile dhe plagosën të paktën pesë persona. Në rajonin verior të Chernihiv, një sulm dëmtoi një nga objektet e prodhimit, sipas guvernatorit të tij Viacheslav Chaus, i cili nuk dha detaje shtesë.
Sulmet vijën një ditë pasi udhëheqësit evropianë në Samitin e Brukselit mbështetën planet për të shpenzuar më shumë për mbrojtjen dhe për të vazhduar të qëndrojnë pranë Ukrainës në një botë të trazuar nga ndryshimi i politikave të SHBA nga Donald Trump. Udhëheqësit e BE-së përshëndetën propozimet e Komisionit Evropian për t’u dhënë atyre fleksibilitet fiskal për shpenzimet e mbrojtjes dhe për të marrë hua së bashku deri në 150 miliardë euro së për t’i shpenzuar për ushtritë e tyre. Ky fakt është mbështetur edhe nga Sekretari i Përgjithshëm i NATO-s, Mark Rutte, gjatë një dalje për mediat nga Brukseli.
“Një gjë është absolutisht e sigurt, nëse e gjithë NATO nuk i rrit shpenzimet e mbrojtjes, atëherë për fat të keq, ndoshta Vladimir Putin do të ishte i etur të sulmonte përsëri sepse nuk do të kishte mjaftueshëm një parandalues. Çështja është se NATO është në gjendje të ndërtojë një potencial të mjaftueshëm parandalues, në mënyrë që jo vetëm Rusia, por që askush të mos sulmojë vendet që ndodhen pranë Rusisë”, tha Mark Rutte, Sekretar i Përgjithshëm i NATO.
Nga ana e tij, Presidenti rus Vladimir Putin tha të enjten se Rusia duhet të zgjedhë një paqe në Ukrainë që do të sigurojë sigurinë afatgjatë të Rusisë dhe zhvillimin e saj të qëndrueshëm.