Një video që tregon sipërmarrësin miliarder dhe CEO-n e Tesla dhe SpaceX, Elon Musk, që harron pas vetes djalin e tij në një event të Donald Trump dhe largohet sikur të ishte vetëm prej aty, është bërë virale në rrjet.
X është vetëm 4 vjeç dhe shpesh merr pjesë në evente me të atin. Në videon që ka marrë mbi 10 milionë shikime, vogëlushi shihet teksa zbret nga shkallët metalike, i kapur nga kangjellat dhe i pa shoqëruar nga një i rritur. Më pas ai përshëndet turmën, ndërsa Musk ecën drejt turmës dhe largohet duke lënë fëmijën pas.
Është e paqartë se çfarë ka bërë Musk kur kamera ndaloi së ndjekuri lëvizjet e tij, por përdoruesit e rrjeteve sociale nxituan të gjykojnë, duke pretenduar se ai e vendosi X në një situatë “shumë të rrezikshme” dhe se ai me sa duket “harroi se kishte djalin me vete”.
Madje disa komentues në rrjet mendojnë se Musk e merr të birin me vete në evente vetëm “për show”. Vala e re e kritikave në internet vjen vetëm disa ditë pasi vetë babai i sipërmarrësit, Errol Musk, shprehu një qëndrim shumë të ashpër për aftësitë prindërore të djalit të tij dhe fajësoi Elon për vdekjen e djalit të tij të parë, Nevada, i cili vdiq tragjikisht kur ishte vetëm dhjetë muajsh.
Errol, duke folur në një podcast, tha se djali i tij “nuk ishte një baba i mirë” dhe pretendoi se Nevada kaloi “shumë kohë” me dadot e tij para se të vdiste nga sindroma e vdekjes së papritur të foshnjave.
Ditët e fundit, edhe këngëtarja kanadeze Grimes është shfaqur e zemëruar me babanë e fëmijës së saj 4-vjeçar, pasi Elon Musk sipas saj e mbante fëmijën e tyre në Zyrën Ovale përkrah Donald Trump si një “suvenir”.
Pak ditë më parë Musk u shfaq me djalin e tij 4-vjeçar duke u endur nëpër Zyrën Ovale, duke e mbajtur mbi shpatulla ose duke i kapur hundën, ndërsa qëndronte pranë Trumpit teksa presidenti amerikan firmoste urdhrin ekzekutiv duke kërkuar nga agjencitë federale që të punonin ngushtë me të.
The so-called genius forgot his human shield son. What a loving father. pic.twitter.com/p4Pvy4bIXk
— Mukhtar (@I_amMukhtar) February 23, 2025