Ai u gjet i varur në një pyll pasi debatoi me nënën e tij. Por Jai P., 13 vjeç, nuk kishte ndërmend të vriste veten, zbuluan detektivët që hetojnë tragjedinë në Hook, Pembrokeshire, gati katër vjet më parë. Adoleshenti u gjet i pajetë pak para orës një të mëngjesit të 23 janarit 2020, në Mbretërinë e Bashkuar.
Jai është përshkruar si një djalë “i shkujdesur dhe aventurier” dhe nëna e saj Nia Owen “u shemb” kur mori vesh se çfarë kishte ndodhur. 13-vjeçari kishte vuajtur nga çrregullim i deficitit të vëmendjes/çrregullim i hiperaktivitetit (ADHD), dispraksi dhe pagjumësi që në moshën 6-vjeçare.
Sipas mjekut ligjor Paul Bennett, kushtet e tij shëndetësore mund të kenë ndikuar tek ai. Ai ishte “i paaftë për të kuptuar pasojat fatale të veprimeve të tij pas një reagimi emocional ndaj debatit me nënën e tij”.
Familja e Jait e mori vesh zhdukjen e tij, pasi gjyshja e la në shkollë. Autopsia e kryer konstatoi se shkaku i vdekjes ishte “presioni në qafë”. Sipas policisë, vdekja e tij ishte “e papritur dhe e pashpjegueshme dhe se nuk ka asgjë që sugjeron veprim të dyshimtë apo përfshirje të një pale të tretë”.
Nëna, Nia, e kujtoi atë ditë dramatike: “Hynë dy oficerë dhe më kujtohet që mendova ‘nuk është me ta, ndoshta është në makinë’”. Oficerja më tha se e kishin gjetur dhe më pas u ndjeva e lehtësuar. Por më pas më thanë se kishte vdekur. Unë rashë në tokë. E pyeta se çfarë kishte ndodhur dhe ajo më tha se ai kishte varur veten.”/Liberale.al
