Një familje shqiptare është riatdhesuar nga zona e luftës, në Gaza.
Ministri i Jashtëm, Igli Hasani dha detaje nga operacioni, teksa tha se një pjesë e kësaj familje erdhën në atdhe në fillim të muajit dhe tani është bashkuar edhe pjesa tjetër.
“Më në fund, Eiadi, gruaja e tij dhe katër fëmijët e tyre të mitur u larguan nga Gaza dhe do t’i bashkohen pjesës tjetër të familjes që kanë mbërritur në Shqipëri në fillim të këtij muaji. Operacioni sfidues përfundoi me sukses sot në mesditë, falë bashkëpunimit të diplomatëve tanë në Tel Aviv dhe Kajro si dhe Ministrive të Jashtme të Izraelit dhe Egjiptit. Mirënjohje të gjithë kolegëve të përfshirë në këtë proces”, sqaron ministri i Jashtëm, Igli Hasani.
Gaza prej më shumë se një muaji është epiqendër e luftimeve të përgjakshme që ka lënë pas rreth 13 mijë palestinezë të vdekur.
