Ekonomisti ultra-liberal Javier Milei, i cili premtoi në fushatën elektorale zbatimin e “terapisë së shokut” për t’u marrë me problemet ekonomike të Argjentinës, do të jetë presidenti i ardhshëm i ekonomisë së tretë më të madhe të Amerikës Latine.
Ai fitoi raundin e dytë të zgjedhjeve presidenciale me 55.95% të votave kundër 44.04% të kundërshtarit të tij, ministrit të Ekonomisë Sergio Massa, ndërsa janë numëruar 86% të votave. Këto rezultate të pjesshme, të cilat i japin një diferencë prej më shumë se 11 pikësh zotit Milei, u njoftuan nga sekretariati i përgjithshëm i presidencës mbrëmjen e së dielës, pak pasi zoti Massa pranoi humbjen e tij.
Javier Milei, 53 vjeç, “është presidenti i zgjedhur nga shumica e argjentinasve për katër vitet e ardhshme,” tha zoti Massa, i cili doli në krye në raundin e parë të zgjedhjeve më 22 tetor.
Në fjalimin e tij të fitores, Javier Milei deklaroi se “sot fillon fundi i rënies dhe rindërtimi i Argjentinës”, duke iu referuar “fundit të modelit (politik) të kastës që i varfëroi qytetarët e Argjentinës dhe të duke adoptuar modelin e lirisë në mënyrë që të bëhet sërish një fuqi botërore”.
Javier Milei foi eleito Presidente da Argentina, com 55,95% dos votos. Massa reconheceu a derrota.
A história foi feita, os argentinos acabaram de eleger,Javier Milei, para ser o presidente do país. Esta é a pior notícia que Klaus Schwab e os globalistas poderiam ter recebido.… pic.twitter.com/5vkkUnqGtx
— Karina Michelin (@karinamichelin) November 19, 2023
Javier Milei premtoi masa radikale nën terapinë e shokut, duke përfshirë shfuqizimin e bankës qendrore, braktisjen e pesos dhe dollarizimin e ekonomisë, shkurtimin drastik të shpenzimeve publike të cilën ai e interpretoi si një “sharrë elektrike me zinxhir” – reforma potencialisht të dhimbshme për pjesën më të madhe të publikut. Megjithatë, ai ka tërhequr disa pjesë të popullsisë që thonë se janë dëshpëruar për shkak të krizës së thellë ekonomike, me karakteristika kryesore që janë inflacioni treshifror (afër 150%), zhvlerësimi i vazhdueshëm i monedhës kombëtare, borxhi i madh i jashtëm ( 44 miliardë dollarë).
Fitorja e Milei pritet të transformojë – përtej skenës politike të Argjentinës, pasi i jep fund rotacionit të forcave tradicionale politike në pushtet – edhe politikën e saj të jashtme, pasi presidenti i ardhshëm ka thënë se nuk dëshiron të bëjë asgjë me “komunistët”, duke iu referuar Brazilit dhe Kinës, dhe ka njoftuar se do të kërkojë një marrëdhënie shumë më të ngushtë me SHBA-në.
Ai ka dalë fuqishëm kundër abortit, mbron lehtësimin e ligjeve për armët dhe e ka quajtur (argjentinasin) Papa Françesku një komunist dhe përfaqësues i së keqes në Tokë.
Në një intervistë që presidenti i tanishëm, dha për gazetarin amerikan Tucker Carlson në shtator të këtij viti, ai sulmoi ashpër kreun e Vatikanit. “Papa luan politikisht, ai ka një ndikim të fortë politik dhe gjithashtu ka demonstruar një afrimitet të madh me diktatorë si Castro apo Maduro. Do të thotë, është një nga diktatorët gjakatare”, u shpreh ai. “Në fakt, ai nuk i dënon ata dhe është gjithashtu mjaft mirënjohëse ndaj diktaturës venezueliane”, vazhdoi më tej.
Në një intervistë që Papa Françesku i dha agjencisë Télam në tetor të këtij viti, Papa Françesku mohoi të ishte “komunist”. “Ndonjëherë kur dëgjojnë gjërat që kam shkruar në enciklikat shoqërore, thonë se Papa është komunist. Nuk është kështu. Papa kap Ungjillin dhe thotë atë që thotë Ungjilli.”/Liberale.al
