Ministria e Jashtme austriake njoftoi të premten dëbimin e katër diplomatëve rusë, sipas mediave vendase.
Tre nga diplomatët e dëbuar ishin të akredituar në Ambasadën Ruse në Vjenë, ndërsa tjetri ishte pjesë e delegacionit të Rusisë në Organizatën për Siguri dhe Bashkëpunim në Evropë (OSBE).
Ministria shpjegoi se diplomatët ishin përfshirë në aktivitete të konsideruara të papajtueshme me statusin e tyre diplomatik. Kështu, ata u shpallën “persona non grata” dhe u detyruan të largoheshin nga vendi, shtoi ajo.
Ndërsa nuk dha detaje të mëtejshme mbi arsyet e dëbimeve, ministria tha se masat u bazuan në gjetjet e autoriteteve të sigurisë.
Duke komentuar mbi këtë veprim, zëvendësministri i Jashtëm rus, Dmitry Lyubinsky, tha se Moska do t’i përgjigjet “në mënyrë të pashmangshme” dëbimit të diplomatëve.
The post Austria dëbon katër diplomatë rusë, shpallen “persona non grata” appeared first on Euronews Albania.
Burimi: Botë