Mëngjesin e sotëm, 20-vjeçari portugez Migel Mendes u gjet i vdekur në shezlongët e beach barit ‘Principotes’ në zonën bregdetare të Ksamilit. I riu ka qenë klient në ‘Principotes’ me disa persona të tjerë, ku është përfshirë në konflikt për motive ende të panjohura me Sokrat Vatën nga Hasi, i cili punonte si truprojë tek ‘Principotes’. Në konflikt mësohet se kanë qenë disa persona të përfshirë, ku e kanë nxjerrë nga lokali deri tek porta, ku më pas 29-vjeçai Sokrat Vata dyshohet se e ka goditur me thikë.
Disa orë më vonë, policia ka arrestuar autorin e dyshuar Sokrat Vata, në Levan të Fierit, ku ishte fshehur në bagazhin e një makine për t’u arratisur. Autori i dyshuar i vrasjes ka një të kaluar kriminale në Britaninë e Madhe. Ai është arrestuar dhe dënuar në Angli në vitin 2024 për trafik droge me pesë vite burg, ndërsa mbetet mister se si është liruar nga burgu.
(Sokrat Vata)
Ndërkaq, pas beach barit ‘Principotes’ dyshohet se fshihet një grup kriminal, i skeduar për vepra të rënda penale nga Franca në Shqipëri, si tentativë vrasje, kanosje, armëmbajtje pa leje, trafik droge, pastrim parash etj. Lokali luksoz, i ndodhur përballë “Tre Ishujve” në Ksamil, është regjistruar në emër të një zonje 70 vjeçe nga Hasi, përmes një kompanie të krijuar në janar 2022, me kapital fillestar vetëm 100 lekë, me NIPT: M23719801I.
Ka dyshime të forta se kompania është përdorur si kamuflim nga personazhe me rekorde krimianle për të investuar dhe pastruar paratë me burim aktivitete të paligjshme në vendet e BE-së. Në media është raportuar se një nga personazhet e botës së krimit që dyshohet se fshihet pas ‘Principotes’ është Bekim Bulica, i ekstraduar nga Franca në Shqipëri në vitin 2021, i shpallur në kërkim pasi më datë 19.09.2019, në Kukës, ka qëlluar me armë zjarri në drejtim të mjetit të F. C.
Në gusht 2021, pasi u ekstradua nga Franca, Bulica u hetua nga prokuroria pasi dyshohet se ishte përfshirë në planin e bosit të kokainës Arbër Çekajt për arratisjen nga burgu ‘313’ në Tiranë. Në 2 shtator 2023, Bulica u shpall në kërkim për rrahjen e efektivit të policisë në Tiranë Ervin Fanaj dhe vëllait të tij. Policia vuri në pranga shtetasin Blerim Bulica, 29 vjeç, banues në Tiranë, si dhe shpalli në kërkim edhe shtetasit Besart Bulica, 35 vjeç, Shaban Bulica, 25 vjeç dhe Benard Aliaj, 34 vjeç.