Teksa protesta para Kryeministrisë është shkrirë me Revolucionin e Berishës, në Hotel Tirana vijon të mblidhet një e ashtuquajtur Kuvend Kombëtar Qytetar, i cili pretendon se është produkt dhe përfaqëson vullnetin e protestës. Bisedat për mbledhjet e Kuvendit zhvillohen në grupin Telegram “Shurka Community”.
Gjatë diskutimeve pretendohet se protesta është iniciuar nga GJENERATA Z, dhe ndërsa komentohet se pjesëmarrësit në këtë kuvend janë kryesisht persona mbi moshën 40-vjeçare. Gjithashtu, ngrihen dyshime mbi burimin e fondeve për zhvillimin e takimeve në ambientet e Hotel Tirana dhe vihet në diskutim roli i shtetasit Klajdi Bello, i cili konsiderohet nga komentuesit si nismëtari kryesor i kësaj lëvizjeje.
Në biseda shprehet gjithashtu se personat e pranishëm në këtë kuvend janë të njëjtët që, sipas tyre, kanë ndikuar negativisht në protestën e studentëve. Disa anëtarë propozojnë përgatitjen e pankartave për të shprehur distancimin nga ky kuvend dhe organizatorët e tij.
Një prej pjesëmarrësve në grup publikon një listë me persona që pretendon se marrin pjesë në këtë aktivitet, ku përmenden: Edvin Kulluri, i skeduar për vepra të rënda penale, Klajdi Bello, Ira Kurti, Flora Xhemali, Sazan Guri, Zaçe Islami, Zenel Hoxha së bashku me bashkëshorten e tij, si dhe Ferdinand Dervishi, për të cilin pretendohet me partinë “Shqipëria Bëhet”.
Kuvendit i janë bashkuar edhe Armir Shkurti, Përparim Gjeka, Dritan Goxhaj dhe Selami Jenisheri. Këtë të fundit tentuan t’a largonin jashtë me forcë, por në fund pranuan që të ulej nga fundi i sallës së mbledhjes. Jenisheri u tentua të nxirrej jashtë nga Abedin Mehmeti Albadent, pjesë e Kuvendit, i skeduar për pastrim parash. Në vitin 2016, një dosje penale implikonte Albadent për pastrim parash me shtetas italinë.
Pjesë e Kuvendit është edhe Kastriot Çipi, i dënuar për vjedhje fondesh. Pjesë e Kuvendit janë edhe Megan Balajn, Mevlan Mata, Ilir Xhemalaj, Gjon Ndojn, Arben Kola etj.
Kuvendi mblidhet pa një bazë ligjore, por bazohet kryesisht në një manifest dhe plarformë. Bëhet fjalë për manifestin e Dritan Gonxhaj, i cili bazohet në plumb dhe short për marrjen dhe administrimin e pushtetit. Për këtë manifest ka dy mendime; Sipas të parit manifesti duhet të shqyrtohet nga specialistë të shëndetit mendor, ndërsa sipas të dytit manifesti duhet të shqyrtohet nga SHISH dhe anti-terrori.
Ndërkaq, platforma e Përparim Gjekajt, që përfaqëson protestën, konsiston në formimin dhe funksionimin e institucioneve që do të zëvëndësojnë Kuvendin e Shqipërisë dhe qeverinë Rama. Anëtarët e instucioneve gjysmë imagjinare zgjidhen përmes WahtsApp-it, bazuar mbi disa kritrere kryesisht shpirtërore, letrare, folklorike dhe rakie. Kjo platformë besoj se ishte vendimtare për degradimin e protestës, duke i dhënë asaj karakter grotesk. Në këto rrethana, Kuvendi Kombëtar Qytetar mund të quhet Kuvendi i Marrëzisë.
