Janë zhvilluar këtë të diel zgjedhjet për kryetarët e degëve lokale të Partia Demokratike në Kolonjë ,Maliq, Përmet dhe Tepelenë.
Në degën e Maliqit garoi kryetari aktual Nevion Kodrasi, i cili siguroi fitoren me 458 vota, përballë rivalit të tij Jani Rovani, që mori 139 vota.
Ndërkohë, në Kolonjë, drejtimin e degës së PD do ta marrë Viktor Duro, i cili arriti të fitojë votëbesimin e 124 anëtarëve, ndërsa Nikolla Papajani mori 80 vota.
Procesi zgjedhor ka vijuar edhe në zona të tjera të vendit.
Në Përmet, Arson Lipe është rizgjedhur kryetar i degës së PD-së, pas një gare me Roland Bonjon.
Po ashtu, në Tepelenë, Malo Sadikaj është konfirmuar sërish në krye të degës, duke fituar ndaj kandidatëve Sevo Mici dhe Laviola Guma.
Më herët zgjedhjet janë zhvilluar edhe në Devoll, ndërsa më 29 prill pritet të mbahen zgjedhjet për degën e Gjirokastër dhe më 3 maj për degën e Korçë.