Gjenerali Vladimir Alekseyev, numri dy i shërbimit sekret ushtarak rus GRU, u plagos në një pritë të premten e javës së kaluar. Megjithatë, ai është rikuperuar shpejt dhe tashmë po shndërrohet në heroin e ri të Moskës. Ai tregohet si një super-agjent që nuk ka frikë nga asgjë dhe arrin të kapë armën e atentatorit, duke shpëtuar jetën e tij dhe duke bërë që atentati të dështojë. Tre plumba e goditën vetëm në këmbë, ndërkohë që tashmë janë krijuar karikatura, që e tregojnë teksa sulmon agresorin.
Kapja e shpejtë e atentatorit të arratisur, Lubomir Korda, arrestuar madje në Dubai, dhe identifikimi i bashkëpunëtorëve të tij po përdoren nga propaganda e Kremlinit për të ndryshuar narrativën: nuk është më një dështim i madh i sigurisë, që lejon vrasjen e gjeneralëve kyç njëri pas tjetrit, por një provë e superioritetit rus mbi ukrainasit.
E vetmja që ka shpëtuar është Zinaida Antonyuk, 55 vjeçe, e cila ndryshoi mbiemrin në Serebrytskaya për të marrë shtetësinë ruse. Në attentat, Antonyuk kishte rolin e vëzhgueses. Ajo thuhet se u transferua në dhjetor në të njëjtin pallat ku jetonte gjenerali Alekseyev. Përpiqej mos të binte në sy, duke qëndruar në mbikëqyrje të lëvizjeve së Alekseyev. Fotot e saj në rrjetet sociale tregojnë qytetin që nga viti 2023, por ndalen para atentatit dhe besohet se ajo tashmë ka shkuar në Ukrainë.
Por dinamika e ngjarjes nuk përputhet me versionin e thjeshtë që po paraqet Kremlini. Profili i arrestuarve duket i papërshtatshëm për misionin. Alekseyev nuk ishte thjesht një oficer 007, por një veteran i Spetsnaz-it me mbi 40 vjet eksperiencë në terren. Ai ishte pjesë e njësive të specializuara të quajtura “Pipistrella” për aftësinë e tyre për të operuar në errësirë. Kodi i tij i emrit “Stepanych” besohet t’ju referohet hidraulikëve që riparonin tubat nëntokësorë.
Gjenerali Alekseyev ka kryer misione për eliminimin e armiqve të shtetit dhe për forcimin e pushtetit të Putinit. Ai ka luftuar terroristë islamikë në Çeçeni dhe Dagestan, ka marrë pjesë në sulme kibernetike në SHBA për të ndihmuar zgjedhjen e Trump-it, ka prodhuar dosje false për të penguar fitoren e Biden-it në 2020 dhe është përfshirë në helmimin e kundërshtarëve dhe disidentëve, duke përfshirë rastin e Sergej Skripal.
Në vend, ai ka luajtur një rol kyç në ndalimin e marshimit të Evgeny Prigozhin në Moskë në qershor 2023 dhe besohet se ka pasur dorë pas vdekjes së tij. Alekseyev ka bërë edhe armikë të brendshëm, duke zbuluar korrupsionin e një zv/ministri të Mbrojtjes. Ai ka pasur gjithashtu ndikim në pushtimin e Krimesë dhe në avancimin separatist në Donbass. Në vitin 2022, ai ka negociuar dorëzimin e batalionit Azov në Mariupol dhe veteranët e akuzojnë se i ka mashtruar.
Por atentatori i porositur për ta vrarë, Lubomir Korda, nuk i dha goditjen përfundimtare dhe e la gjeneralin të plagosur në tokë. Kamera e ka filmuar teksa largohet dhe bën një hap tjetër aspak profesional, teksa hedh armën në borë. Kjo është e pazakontë, sepse më parë gjeneralët, shkencëtarët dhe influencuesit rusë që ishin objekt i spiunëve ukrainas, kishin rënë viktimë të bombave që nuk linin shanse shpëtimi për personin që ishte në shënjestër, madje nuk linin gjallë as dëshmitarë, për t’u marrë në pyetje.
Edhe pse Kremlini përpiqet ta shesë incidentin si sukses dhe provë të fuqisë ruse, profili i atentatorëve dhe mënyra si u krye sulmi lë shumë dyshime mbi të vërtetën e ngjarjes. /La Repubblica/