Të enjten, kryeekzekutivi i Rajonit të Posaçëm Administrativ të Hong-Kongut, John Lee, deklaroi se zjarri në shtatë ndërtesa në Hong-Kong tani është nën kontroll. Autoritetet e Rajonit të Posaçëm Administrativ të Hong-Kongut do të ofrojnë mbi 1 800 shtretër për banorët e prekur.
Në pasditen e së mërkurës, shpërtheu zjarr në disa ndërtesa banimi në “Hung Fuk Court”, një kompleks ndërtesash banimi në Tai Po, në Territoret e Reja të Hong-Kongut, duke shkaktuar 55 të vdekur e 76 të plagosur.
Qeveria e SAR-it të Hong Kongut ka aktivizuar mekanizmin e saj të reagimit ndaj emergjencave. Zyra Ndërlidhëse ka ngritur një grup pune të dedikuar, duke mbajtur komunikim të ngushtë me qeverinë e SAR-it dhe duke mbështetur plotësisht përpjekjet e vazhdueshme të shpëtimit. Puna përkatëse është duke u zhvilluar aktualisht.
Presidenti kinez Xi Jinping i bëri thirrje Zyrës së Çështjeve të Hong Kongut dhe Makaos të Këshillit të Shtetit dhe Zyrës Ndërlidhëse, të mbështesin qeverinë e SAR në përpjekjet e gjithanshme për të shuar zjarrin, për të kërkuar dhe shpëtuar të bllokuarit, për të trajtuar të plagosurit, si dhe për të ofruar ndihmë dhe ngushëllim për banorët e prekur.