Analisti Preç Zogaj, në emisionin “Trialog” në RTSH, komentoi mbledhjen e Këshillit të Mandateve për kërkesën e SPAK ndaj zv/kryeministres Balluku, duke e krahasuar situatën me Gjykatën Kushtetuese, e cila më parë nuk kishte marrë vendim për ankimimin e Kryeministrit për ndërhyrje në kompetencat e ekzekutivit nga sistemi gjyqësor.
Zogaj tha se nuk ka ndodhur që Këshilli i Mandateve të mos dalë me një rekomandim dhe se kjo situatë tregon që ka një ngërç.
“Këshilli i Mandateve imitoi Gjykatën Kushtetuese ku ishte një ditë pa vendim, ka një ngërç gjithandej mesa duket. Nuk ka ndodhur asnjëherë që Këshilli i i Mandateve të mos dalë me një rekomandim dhe më pas është seanca plenare që vendos vulën e miraton apo jo. Prokurorët kanë thënën se ka një tentativa për hetimin e provave dhe intimidimin e dëshmitarëve,” tha Zogaj.
Ai shtoi se përtej deklaratave politike procesi i hetimit duhet të jetë i rregullt dhe se në fund drejtësinë e bën gjykata dhe jo prokuroria.
“Ajo që unë pres është që procesi të jetë i rregullt, provat të paraqitën në vendi e duhur, është gjykata që bën drejtësi jo prokuroria. I gjithë synimi kastës publike është për të frenuar hetimin. SPAK deri tani ka treguar serioziteti dhe nuk mund të them që është i ndërsyer politikisht”, tha Zogaj.
