“Nuk është i lirë për të marrë vendime në interes të vendit. Nuk do jetë kurrë në gjendje të qevetisë pa mbrojtur korrupsionin”, kreu i grupit parlamentar të PD-së, Gazment Bardhi, vijoi me akuzat në drejtim të kryeministrit Edi Rama, duke e quajtur “avokat të ish-ministres Belinda Balluku”.
Kundërshtoi raportin e pesë anëtarëve socialistë në Këshillin e Mandateve për çështjen e Ballukut duke e cilësuar atë si krejtësisht “politik”.
“Së pari, kanë deformuar rolin e Kuvendit në një procedurë të tillë, duke thënë nuk është thjesht formal, por duhet të bëjë një vlerësim të plotë të çështjes nga pikëpamja ligjore. Një pretendim i tillë nuk është thënë nga opozita, sot përbën Kushtetutë sepse është thënë në vendimin më të fundit të Gjykatës Kushtetuese, një prezumim themelor që imuniteti duhe ttë hiqet në të gjitha rastet kur nuk ka arsye se kërkesa mund të jetë e motivuar politikisht apo se në vendimmarrje ka elementë partiako-politikë. Kjo garanci thotë Kushtetuesja nuk mund të shndërrohet kurrë në pengesë të ndjekjes penale.
Sipas kryeministrit, transkripti i përgjimeve me të cilën SPAK-u dokumenton ushtrim presioni përmes grupeve krimninale, që veprojnë në qarkun Fier, atje ku Rama e ka caktuar si drejtuese politike Ballukun.
E kanë bërë për të mbrojtur paktin mafioz që kanë bërë me pushtetin e saj. Janë prova të dokumentuara, se si të fortët e atij qarku, kanë ushtruar presion ndaj dëshmitarëve dhe të pandehurve të tjerë. Dhe gënjeshtra ishte se e kërcënuara është vetëm një e bashkëpandehur me zonjën Balluku. Është e pavërtetë! Bëhet fjalë për dy kërcënime. Përgjimi është i datës 20 nëntor 2025, një ditë pasi u caktua masa e sigurimit, në orën 12:23 kur ka nisur telefonata”, tha Bardhi.
“Nga i di ky provat në USB-në me 16 mijë faqe kur ky nuk i ka tërhequr provat?! Si e bën vlerësimin vlen apo nuk vlen një provë?! Apo ka aftësinë t’i lexojë edhe kur janë te kasaforta e mbyllur e Niko Peleshit?”, shtoi më tej me ironi referuar kreut të qeverisë.
“Atje kishte indicie, këtu ka prova!”, tha ai duke krahasuar rastin e Ballukut me atë të ish-zv.kryeministrit tjetër, Arben Ahmetaj.
“Nuk është rënduar pozita? Si?! Si nuk ka vazhdimësi?! Sot akuzohet për 11 tenderë, e ka kryer krimin në mënyrë permanente, s’ka lënë tender të Ministrisë dhe institucioneve të varësisë, pacaktuar biznesmnein që e fiton. Dëmi ndaj shtetit është i konsiderueshëm!”, shtoi më tej.
Hodhi akuza ndaj Gjykatës së Lartë si e ndikuar politikisht për të penguar punën e GJKKO-së sa i takon kësaj dosjeje.
Theksoi po ashtu se vendimi i Sekretariatit të Etikës për ta përjashtuar me 10 ditë nga Kuvendi, ishte një formë për ta penguar atë të relatojë raportin e opozitës për çështjen e ish-numrit dy të qeverisë.
