Këshilli i Mandateve i hap ‘dritë jeshile’ arrestimit të ish-kryeministrit, Sali Berisha.
Kërkesa e SPAK u miratua me 6 vota pro nga Këshilli i Mandateve.
SPAK kërkoi autorizim për arrest shtëpie ose arrest ndaj ish-kryeministrit për shkak se ai refuzoi që të paraqitej sipas kërkesës së prokurorisë.
Këshilli i Mandateve dhe i Imuniteteve rrëzoi sot me 6 vota pro kërkesën e avokatëve të ish-kryeministrit, Sali Berisha. Pas këtij vendimi, raporti do t’i kalojë Kuvendit për miratim më 21 dhjetor.
Përveç 5 votave të socialistëve, ish-kryetari i komanduar i Partisë Demokratike, Enkelejd Alibeaj, doli kundër argumenteve të mbrojtësve të ish-kryeministrit Berisha, Genc Gjokutajt dhe Sokol Mengjesit. Alibeaj u shpreh se përfaqësuesit ligjorë të Berishës mund t’a çonin çështjen në Gjykatën Kushtetuese, duke votuar kështu “pro” vazhdimit të mbledhjes së Këshillit të Mandatave dhe Imunitetit.
