Pas rreth një ore debatesh pozitë-opozitë për Rendin e ditës,ndërpritet mbledhja e radhës e Këshillit Bashkiak të Vlorës,një mbledhje e cila nisi dhe përfundoi me debate.Mosmbledhja e votave të mjaftueshme për të miratuar Rendin e ditës,shkak i anulimit të mbledhjes.
Sipas këshilltarëve të opozitës, rendi i ditës kishte më s humë seç duhej pika për diskutim, 21 pika të përcaktuara. Kjo gjë, bëri që të nisnin diskutimet në sallë sa i përket fluksit të lartë të çështjeve të rëndësishme për diskutim në mbledhjen e sotme
Elpiniqi Merkuri, kryetare e Këshillit Bashkiak të Vlorës, pas diskutimeve mes këshilltarëve e kaloi rendin e ditës në votim. Prej procesit të votimit u numëruan 25 vota pro për rendin e ditës, çka bëri që ky rend dite të mos kalojë, duke u “djegur” për një votë. Sipas legjislacionit në fuqi, që një rend dite të kalojë duhet të ketë të paktën 50%+1 votë të numrit të anëtarëve të Këshillit Bashkiak, më konkretisht 26 vota në total.
Pas votimit ka nisur largimi i opozitës nga salla e mbledhjes . Atird Hoxha, kreu i këshilltarëve të opozitës, sqaron përse u anulua rendi i ditës dhe faktin e largimit nga salla.
Më pas kryesia vendosi që nesër në orën 9 të mëngjesit të mblidhet sërish Këshilli Bashkiak ,por vetëm për të votuar kalimin e ndihmës ekonomike, ndërsa pritet të përcaktohet data se kur do të zhvillohet mbledhja e radhës e Këshillit Bashkiak,e cila ka disa pika të nxehta si,projketvendimi “Për krijimin e shoqëriszë bashkiake”Vlora Invest” SHPK ,në pronësi 100%të bashkisë Vlorë”
Projketvendimi “Për miratimin e hartës së përgjithshme të plazheve të lejuara në territorin e bashkiszë Vlorë për vitin 2026 dhe tarifës së ofrimit të shërbimit për zonën e plazheve të administruara dhe të tarifuara nga njësia e vetqeverisjes vendore dhe projektvendimi “Për disa shtesa dhe ndryshime në VKB ,për buxhetin e bashkisë për vitin 2026”
