Presidenti rus Vladimir Putin thuhet se është përfshirë në një lidhje romantike me një vajzë bjonde, që duket si një kukull Barbie, e cila është 32 vjet më e re se ai.
New York Post ka raportuar se e dashura e Putinit është Ekaterina ‘Katya’ Mizulina, një historiane arti e arsimuar në Britani, e cila tashmë drejton Ligën e Internetit të Sigurt pro-Kremlinit, një lloj agjencie censure e Rusisë.
Ajo tani është rikthyer në qendër të vëmendjes dhe jo për shkak të lidhjes me shefin e Kremlinit, por se është celebruar në martesë me muzikantin e famshëm rus dhe mbajtësin e titullit “Artist i nderuar i Rusisë”, Jaroslav Dronov , i njohur me emrin e tij artistik SHAMAN.
Një regjistrim i një pjese të ceremonisë, e cila u mbajt në Donetskun e pushtuar, u shfaq në kanalin Telegram të Ekaterina-s të sapomartuar. “Në Donetsk, unë dhe Jaroslav shkuam në zyrën e gjendjes civile dhe nënshkruam”, shkroi Mizulina krahas videos.
E njëjta video u publikua nga SHAMAN në kanalin e tij me një përshkrim identik. Çifti shihen me veshje ushtarake, dhe videoja tregon gjithashtu momentin kur udhëheqësi i Republikës së vetëshpallur Popullore të Donetskut, Denis Pušilin, i uron për martesën dhe u jep një buqetë me trëndafila të bardhë.
Marrëdhënia midis SHAMAN dhe Mizulina u bë objekt spekulimesh që në fillim të këtij viti, kur Mizulina publikoi një foto të përbashkët, dhe së shpejti një video në të cilën këngëtari tregon një tatuazh me mbishkrimin “Katja” në krahun e tij.
Kjo u pasua nga një video në të cilën ata përshëndesin së bashku ndjekësit e tyre dhe u urojnë atyre “një mbrëmje të këndshme dhe humor të mirë”, e më vonë ata nisën një konkurs të përbashkët për shkollat, duke u premtuar fituesve një koncert dhe nënshkrimin e autografeve.
Në një koncert të madh solo në Moskë në mars, SHAMAN konfirmoi se ishte në një lidhje me Ekaterinën, dhe në maj ai deklaroi në emisionin “Central Television” se planifikonte ta finalizonte lidhjen me martesë.
“Siç thotë miku im Grigory Leps, dasma do të jetë në verë. Nuk e di se në cilin vit, por patjetër në verë”, tha me shaka këngëtari në atë kohë.
SHAMAN ishte i martuar më parë me producenten Elena Martinova, me të cilën kaloi shtatë vjet, ndërsa kjo është martesa e parë e Mizulini-t, e cila është 41 vjeç.
Two of the Kremlin’s most outspoken public supporters, Yekaterina Mizulina and pop star Shaman, on Wednesday announced that they had got married in the Russian-occupied city of Donetsk in eastern Ukraine.
| https://t.co/buFwB03gRZ pic.twitter.com/er13ABwl2Y
— Novaya Gazeta Europe (@novayagazeta_en) November 5, 2025
