Emisari Special i Presidentit të SHBA Donald Trump për Misionet e Posaçme, Richard Grenell kërkon që të ndërpritet financimi për Gjykatën Speciale të Hagës. Përmes një postimi në X, në një tjetër reagim kundër kësaj gjykate e cola po gjykon padrejtësisht ish-krerët e UÇK-së, tha se është totalisht e korruptuar.
Sulmon edhe Prokurorin Special Jack Smith, për të cilin thotë se urdhëroi arrestimin e Hashim Thaçit.
“Haga është tërësisht e korruptuar dhe duhet t’i ndërpritet financimi. Jack Smith ishte një nga prokurorët e tyre që arrestoi presidentin në detyrë të Kosovës më shumë se pesë vjet më parë. Ai ende ndodhet në burg. Gjykimi ka filluar vetëm së fundmi,” shkruan Grenell.
Dy ditë më parë, pas protestës së madhe në sheshin “Skënderbej” në Tiranë që mblodhi mijëra shqiptarë, Grenell theksoi se Haga ka dalë jashtë kontrollit dhe se Smith e kishte shkaktuar këtë reagim qytetar.
Grenell ka qenë një ndër kritikët më të zëshëm ndaj kësaj gjykate.
The Hague is totally corrupt and must be defunded.
Jack Smith was one of their prosecutors who arrested the sitting President of Kosovo more than five years ago.
He is still in prison. The trial only recently got started.
— Richard Grenell (@RichardGrenell) October 18, 2025