Avokati i njohur Saimir Vishaj, përmes rrjeteve sociale ka akuzuar KLP-në dhe KLGJ-në për korrupsion në proceset e transferimit të prokurorëve dhe gjyqtarëve.
Avokati Vishaj ka folur me shifra konkrete, duke thënë se gjyqtarë e prokurorë paguajnë nga 50 deri në 100 mijë euro për t’u transferuar në zona më të favorshme si Tirana dhe për të ndjekur çështje penale pasi aty kanë më shumë përfitime ekonomike.
Statusi i plotë
Të lëvizësh nga një qytet në tjetrin bileta është e lirë. Edhe për të ardhur nga qytetet largëta në Tiranë nuk kushton.
Por ka ca tarifa që të lëvizësh në rrethe të mira apo të vish në Tiranë!!!
Këtu Stop. Kujdes. Mendohu. 50 deri 100 mijë euro, i paguhet jo autobusit, as taksisë, por KLP dhe KLGJ nga gjyqtarë e prokurorë për një transferim qofshin edhe të komanduar.
Dhe çudia vazhdon. Të gjithë të transferuarit kërkojnë të gjykojnë vetëm çështje penale se aty është leku, civile të vonon, familjarë s’të jep gjë…
Bravo KLGJ dhe KLP, i sollët gjyqtarët dhe prokurorët 27-vjeçarë, përkundrejt pagesave, të gjithë në Tiranë.
Mjerë populli që do paguajë transfertat e prokurorëve apo gjyqtarëve të rinj.”-shkruan Vishaj.
