Adriatik Lapaj, kreu i Lëvizjes “Shqipëria Bëhet”, vizitoi sot fshatin Imshë në Bashkinë Lushnjw, një zonë bujqësore e njohur për prodhimin e shalqirit, ku takoi fermerin 21-vjeçar Kristianin, i cili ka mbjellë 10 hektarë tokë me prodhim por është përballur me një krizë të thellë për shkak të mungesës së tregut.
‘Jemi këtu në fshatin Imshë të Bashkisë Lushnjë, një zonë bujqësore që merret me prodhimin e bostanit.
Jam këtu me Kristianin, një i ri njëzet e një vjeçar, që është kthyer për të mbjellur dhjetë hektarë tokë dhe sot ka probleme me tregun.
Tregu këtu, në fshatin Nimësh nuk shitet shalqiri.
Nuk është se po shitet me asnjë lloj çmimi.
Po me sa ka qenë maksimumi këtu, me njëqind lekë?
Me njëqind lekë, njëqind e njëzet lekë.
Pra, ai që merrni ju me pesëqind, gjashtëqind në Tiranë e në gjithë Shqipërinë, këtu merret te fermeri, për një copë bukë që nuk i mbulon as koston.
Kemi mbjellë dhjetë herë këtë shalqi e kemi hedhur rreth shtatë milionë lekë.
Edhe këtu nuk do të mbajmë dot as lekët tona, as gjysmat e lekëve tona me saktë.
