Kryetarja e Kuvendit, Elisa Spiropali do të marrë pjesë në samitin Ukrainë-Evropa Juglindore që do të zhvillohet në Odesa të Ukrainës.
Spiropali ka ndarë një postim në rrjete sociale, nga kufiri mes Moldavisë dhe Ukrainës. Rrugës për në samit, Spiropali ka postuar foton me ambasadorin e Shqipërisë në Ukrainë, Ernal Filo.
“Me ambasadorin tonë Ernal Filo, në kufirin Moldavi–Ukrainë, rrugës për në Samitin Ukrainë–Evropa Juglindore, që do të zhvillohet në Odesa”, shkruan Spiropali në rrjete sociale.