Mbretëria e Bashkuar ka zbuluar ditën e sotme strategjinë e veprimit ndaj tarifave të vendosura nga Presidenti i SHBA-ve, Donald Trump (megjithëse ditën e djeshme ai vendosi t’i pezullojë ato për të gjitha vendet përveç Kinës dhe t’i zëvendësojë me një tarifë fikse prej 10 %).
Një zëdhënës i Downing Street tha: “Një luftë tregtare nuk është në interesin e askujt”.
“Ne nuk duam aspak tarifa, kështu që për punë dhe mjete jetese në të gjithë Mbretërinë e Bashkuar, ne do të vazhdojmë me gjakftohtësi dhe qetësi të negociojmë në interes të Britanisë”, tha ai më tej, shkruan A2 CNN.
Një tjetër burim tha se ato vende që nuk iu kundërpërgjigjën tarifave të Trump “duke treguar gjakftohtësi dhe qetësi, mund të shpërblehet”.
“Kjo është mënyra se si duhet reaguar dhe është qasja e duhur,” shtuan ata, shkruan A2 CNN.
“Ai e ka kërkuar këtë në të gjitha thirrjet e tij këtë javë dhe do të vazhdojë ta bëjë këtë”, tha zëdhënësi më tej, duke iu referuar Presidentit Donald Trump.