Më 4 shkurt, Komiteti i Tarifave të Këshillit të Shtetit i Kinës publikoi një deklaratë mbi vendosjen e tarifave për disa produkte të importuara me origjinë nga Shtetet e Bashkuara, duke filluar nga data 10 shkurt, ku thuhet se:
Më 1 shkurt, qeveria amerikane deklaroi vendosjen e një tarife prej 10% për të gjitha mallrat kineze të importuara në SHBA, si pasojë e problemeve me fentanilin. Vendosja e njëanshme e tarifave nga Shtetet e Bashkuara, shkel seriozisht rregullat e Organizatës Botërore të Tregtisë. Kjo jo vetëm që nuk ndihmon në zgjidhjen e problemeve të veta, por gjithashtu prish bashkëpunimin normal ekonomiko-tregtar midis Kinës dhe ShBA-së.
Duke filluar nga data 10 shkurt, mbështetur në parimet e ligjeve përkatëse kineze dhe parimet bazë të ligjeve ndërkombëtare, pas miratimit nga Këshilli i Shtetit, Kina do të vendosë tarifa mbi disa produkte importi me origjinë nga ShBA. Tarifat përkatëse janë si më poshtë:
1. Shtimi i një tarife 15% për qymyrin dhe gazin e lëngshëm natyror
2. Shtimi i një tarife 10% për naftën bruto, makineritë bujqësore, makineritë shkarkuese me vëllim të madh dhe makineritë e transportit(pick-up)).
3.Për mallrat e importuara me origjinë nga ShBA, të listuara në shtojcë, tarifat përkatëse do të vendosen në bazë të normave aktuale të tarifave të zbatueshme.
Gjithashtu do të vendosen kontrolle mbi eksportet e materialeve të lidhura me tungstenin, telurin, bismuthin, molibdenin, indiumin etj, duke filluar nga data 4 shkurt, sipas një deklarate nga Ministria e Tregtisë