Fotot e reja të shtëpisë së saj ultraluksoze janë hedhur në Instagram nga Chiara Ferrani, duke shkaktuar reagime të forta.
Fashion blogerja italiane me afro 30 milionë ndjekës në Instagram, nga ku merr një pjesë të madhe të të ardhurave totale, ka postuar video dhe foto nga dhoma e shtëpisë së saj, të cilën e ka kthyer në një mini kinema. Ajo ka kapur fëmijët e saj duke shijuar hapësirën e re në shtëpi dhe ka shkruar: “Dhoma e kinemasë është pothuajse gati dhe është një nga dhomat e mia të preferuara në shtëpinë e re”, duke zemëruar shumë nga ndjekësit e saj.
Një pjesë e madhe e fansave të saj italianë kanë shpërthyer veçanërisht kundër 36-vjeçares, duke e akuzuar atë se ka treguar pasurinë e saj në një kohë shumë të vështirë për njerëzimin.
“Edhe të tjerët po vdesin nga uria jashtë”; “Problemi është se po shfaq luksin ekstrem”; “Këtë postim po e shoh ndërsa jam në shtëpinë e mamit dhe babit në moshën 28 vjeç, në pamundësi për të paguar as një apartament-studio me qera”; Janë disa nga komentet e shkruara nga ndjekësit e saj. Të shumtë janë edhe ata që i shkruajnë Feranit që të mos provokojë.
Një javë para shpërthimit në Instagram kundër saj, Ferrani kishte postuar një sërë fotosh nga shtëpia e re e familjes së saj në liqenin e Komos. Siç ishte më tej, komentet nën postim kanë rënë “si shi” kundër italianes, ku shumë kanë shkruar se ajo është lodhur duke treguar shtëpinë e saj ultraluksoze./Liberale.al
