Këngëtari i njohur kosovar, Blero Muharremi, gjatë qëndrimit në shtëpinë e “Big Brother Vip” ka zbuluar detaje të reja nga jeta e tij personale.
Teksa po bisedonte më një ndër konkurrentët e tjerë, ai tregoi vështirësitë që ka kaluar për të realizuar këngën e tij të parë.
Blero tha se për të bërë realitet këtë ëndërr, ka punuar në punë të ndryshme, ndërsa rrëfeu se ka punuar në fabrikë ditë e natë dhe paratë që i fitonte i kursente për të realizuar videoklipin e tij të parë.
“Videon e parë që e kam bërë tamam profesionale me Memlin, kam vuajtur shumë sepse të gjithën e kam realizuar vetë. Krejt shoqërinë e kam thirrur në videokip dhe krejt gjërat i kam organizuar vetë, nuk kisha para. Punoja në fabrikë ditë e natë që ti bëja 1000 euro në atë kohë, kam punuar që të gëzoj këngën profesionale.
Kam punuar 6-7 muaj në fabrikën e makinave “Volvo”, nuk e harroj kurrë, të gjitha paratë e rrogës i leja anash, vetëm gjërat elementare i blija dhe të tjerat i lija anash, nuk ishte e lehtë, kam pastruar enë, kam punuar në fabrikë, në restorant, për t’i ndjekur ëndrrat e mia, pa punuar dhe pa pasur dëshirë shumë është e pamundur me i realizuar ëndrrat”, është shprehur Blero Muharremi.
