Apostulli”, libri i parë i një biografie të re për Fan Nolin nga autori dhe njëkohësisht studiuesi, Ilir Ikonomi, ish-gazetar i Zërit të Amerikës, i cili premton për një seri me tre vëllime të tjera.
Theksojmë se në këtë vëllim prej 430 faqesh, botim i UET Press, Ikonomi na jep një përshkrim realist dhe me ngjyra të gjalla të Fan Stilian Nolit, në periudhën që fillon me arritjen e tij në Amerikë në vitin 1906 dhe mbaron në vitin 1920, kur ai u largua për në Shqipëri.
Ndërkohë në emisionin” GoodMorning Albanias” në Euronews Albania, Ikonomi rrëfeu se gjatë punës për librin, kishte zbuluar se Fan Noli kishte bërë të gjitha përpjekjet që të ishte pjesë e firmëtarëve të Pavarësisë, bashkë me Ismail Qemalin, por nuk kishte mundur të arrinte në kohë.
“Në 1912 kur Ismail Qqmali ishte duke ardhur në Shqipëri për të shpallur pavarësinë Noli tha që unë do shkoj në Evropë të kontribuoj për këtë që po ndodh, dhe ata nuk i dhanë leje (Vatra), dhe asnjëri nuk e dinte për çfarë dol shkonte. I hipën anijes dhe shkon drejt Liverpul dhe prej andej donte të shkonte në Austri, blen një biletë për në Vjenë se donte të takonte grupin e Ismail Qemalit, donte të bëhej një nga ata që të shpallte pavarësinë.
Kishte një ego, donte të ishte një nga firmëtarët, kur ishte në anije iu shkruan atyre në Amerikë që arrita dhe po bëhen gati të nisem, kur zbret sheh gazetat e Liverpulit që pavarësia ishte shpallur. Noli i ishte shkruar një letër Ismail Qemalit, ku i thotë se ‘a ka mundësi që unë të vij aty dhe të ndihmoj dhe të punoj tek ju’, por unë e nënkuptoj si dëshirën për t’u bërë dikush në qeverinë e Ismail Qemalit”, rrëfeu Ikonomi.
