Prokuroria ka kërkuar dënim të përjetshëm për një djalosh 23 vjeçar me origjinë pakistaneze, që vrau pas një sherri banal nënën e tij, në një provincë të Torinos. Pas një qortimi për telefonin, Pinerolo vrau me çekiç në banesën e tyre, Rubina Kousar.
I akuzuari i shkroi një letër Gjykatës së Assizes në të cilën shkruante: “U kërkoj falje të gjithëve, e dua nënën time”. Po ashtu, kërkesa e avokatit për të urdhëruar një vlerësim psikiatrik u refuzua nga gjyqtarët.
Ngjarja e rëndë ndodhi në 9 mars të këtij viti. Gruaja i kishte thënë të birit të ndalonte së kaluari gjithë ditën në celular dhe të dilte të kërkonte punë. Pas qortimit, ai e qëlloi me çekiç në pjesën e pasme të kokës, duke i marrë jetën. Më herët, i akuzuari kishte debatuar me babanë e tij për të njëjtën arsye, por ai nuk kishte dashur të ngrinte akuza.
Ishte burri që ngriti alarmin duke vrapuar në rrugë për të kërkuar ndihmë pasi mbërriti në shtëpi dhe gjeti gruan e tij pa ndjenja në dysheme. Më pas, ai shkoi në stacionin e policisë lokale.
“E pashë atë (ndërsa po e largonin) nga ballkoni dhe u trondita nga fytyra e këtij djali, sepse ai ishte vërtet jashtë vetes. Ai kishte sy të egër, nuk ishte vetvetja”, tha një fqinj për Fanpage.it. I riu, pasi u ndalua, pranoi menjëherë vrasjen./Liberale.al
