Detaje të reja kanë dalë për personin i cili u gjet i pajetë, pothuajse 3 muaj pasi ishte shpallur i humbur. Mjekësia Ligjore, e identifikoi ditën e sotme, pasi mbetjet kockore u gjetën gjatë dy ditëve të fundit, në fshatin Xharë të Konispolit.
Eshtrat i përkisnin 51-vjeçarit nga Elbasani Andant Jaupin banorët që e njihnin hezitojnë të flasin para kamerave. Në media u raportua se ai punonte në këtë zonë si bari, por sipas banorëve ai e kishte lënë këtë punë, dhe kryesisht kryente punë ditore.
Sipas banorëve ai nuk kishte familjar në Konispol dhe ishte beqar. Andant Jaupi flinte në bodrumin e xhamisë së Kllogerit, aty ku trupi u gjet i copëtuar. Gjatë kërkimeve për materiale kockore nga grupi hetimor, u gjendën dhe sende vetjake si veshmbathje dhe batanije çka vërteton se bodrumin e kishte kthyer në vend strehimi.
Jashtë kamerave banorët e Xarrës thonë se viktima në të shumtën e kohës ishte në gjendje të dehur, dhe të hollat që fitonte duke punuar i shpenzonte për raki.
