Pas protestave të ditëve të fundit në Tiranë, ministri i Drejtësisë, Toni Gogu, ka theksuar sot në një postim në rrjete sociale se pakënaqësitë ndaj institucioneve duhet të shprehen përmes dialogut dhe jo dhunës.
“Institucionet nuk goditen, por sfidohen me argumente dhe dialog”, shkruan Gogu në rrjetet sociale, duke nënvizuar se institucionet mund të kritikohen dhe t’u kërkohet llogari, por problemet duhet të marrin zgjidhje përmes komunikimit.
Ministri ka ndarë edhe mesazhin e Leopoldos, anëtar i Shoqatës Botërore të Juristëve (World Jurist Association) dhe pjesë e ekipit të Ëorld Laë Foundation, i cili ka qenë në Tiranë gjatë ditëve të fundit dhe ka ndjekur nga afër protestat.
Leopoldo shprehet se i kupton kërkesat e studentëve për akses në arsim dhe mundësi më të mira punësimi, por thekson se respektimi i shtetit të së drejtës duhet të jetë i ndërsjellë.
“Kur kërkon diçka nga qeveria jote, duhet gjithashtu të marrësh në konsideratë që duhet ta bësh në mënyrën e duhur”, shprehet ai.
Sipas tij, institucionet publike, përfshirë Ministrinë e Drejtësisë, u përkasin qytetarëve, ndaj dialogu duhet të jetë mënyra për të adresuar pakënaqësitë dhe kërkesat për ndryshim.