Dhuna e protestuesve nuk kurseu as Nunciaturën Apostolike, përfaqësinë diplomatike të Selisë së Shenjtë në Shqipëri.
Disa protestues u ngjitën mbi kangjellat e godinës, por u zbritën pas lutjeve të disa prej murgeshave që qëndrojnë aty.
Sot, protesta e opozitës, e paraqitur si protestë studentore, u shoqërua me akte vandalizmi ndaj bizneseve private dhe godinës së Ministrisë së Arsimit. Protestuesit hynë me forcë në një biznes, thyen xhamat, nxorën orenditë dhe u vunë flakën.
U raportuan gjithashtu dëmtime biznesesh në Rrugën e Durrësit dhe dëmtim i një bankomati.
Asnjë protestë politike nuk mund të justifikojë shkatërrimin e pronës dhe cenimin e sigurisë publike. Kur dhuna prek biznese, institucione shtetërore dhe ambiente pranë përfaqësive diplomatike, protesta rrezikon të shndërrohet në vandalizëm dhe afron anarkinë.
Asnjë kauzë, politike apo studentore, nuk mund të përdoret si mbulesë për shkatërrimin dhe kaosin.
https://javanews.al/wp-content/uploads/2026/10/protesta-te-selia-e-vatikanit.mp4
Burimi: Kronikë