Organizatat me natyrë nepotike që ‘avullojnë’ çdo vit miliona euro fonde kryesisht nga Bashkimi Evropian, në emër të mbrojtjes së mjedisit, në emër të artit, kulturës, kafshëve, drejtësisë, transaprencës, luftës kundër korrupsionit, medias, barazisë gjinore etj., me raporte dhe aktivitete fiktive, nisën dhe vijojnë t’i fryjnë Revolucionit të Flamingove. Burimi kryesor që ushqen me para këtë rrjet organizatash korruptive është Fondacioni Soros, organizata derivate të këtij fondacioni dhe agjenci financiare të Bashkimit Evropian.
Andi Tepelena është një prej organizatorëve të protestave të zhvilluara në Tiranë kundër qeverisë. Ditët e fundit, drejtuesit e protestës kanë nisur të akuzojnë njëri-tjetrin si dhe të publikojnë financimet. Andi Tepelena aluzohet se ka përfituar qindra mijëra euro nga organizata të lidhura me Soros dhe agjenci evropiane në emër të artit dhe dialogut kulturor. Aluzat ndaj Tepelenës rezultojnë të bazuara.
Andi Tepelena qëndron pas qendrës kulturore jofitimprurërese Art Kontakt, e cila zhvillon një aktivitet financiar në mungesë të plotë transaprence. Përmes kësaj qendre, Andi Tepelena ka menaxhuar qindra mijëra euro për aktivitete kulturore. Përpos nipit K81325451O, porhuajse nuk ka asnjë të dhënë tjetër të aksesueshme për menaxhimin e fondeve nga OJF-ja e Andi Tepelenës, duke ngritur dyshime serioze për shpenzime fiktive dhe përvetësim fondesh.
Krahas fondeve nga organizata të Soros dhe agjenci evropiane, Tepelena ka përfituar para publike për aktivitete edhe nga Ministria e Kulturës dhe Bashkia Kukës përmes OJF-së së tij Art Kontakt, me projekte kulturore. Ashtu si Tepelena, kanë përfituar fonde nga organizata të lidhura me Soros dhe agjenci evropiane dhjetëra përfaqësues të shoqërisë civile, me vila dhe makina luksoze, disa nga të cilët krekosen edhe nëpër studio televizive duke dhënë ‘leksione’ për drejtësinë dhe luftën kundër korrupsionit./Prapaskena