Në emisionin televizive sportiv, e ftuar së fundmi ishte Kejsi, motra e ish-banorit të Big Brother VIP Albania 5, Mateo Borri, e cila u intervistua nga kunata e saj dhe njëherazi ish-banorja e të njëjtit edicion, Brikena Selmani.
Gjatë bisedës, Kejsi foli për marrëdhënien e ngushtë që kanë krijuar jashtë shtëpisë së Big Brother, duke ndarë fjalë plot vlerësim për Brikenën.
“Briki, për të gjithë ju që ndoshta nuk e njihni personalisht, është realisht shumë e dashur, shumë e kujdesshme dhe mundohet gjatë gjithë kohës që, përveç Mateos, edhe mua të më qëndrojë pranë, si rasti konkret që më more në telefon sot” -u shpreh ajo.
Kejsi shtoi se Brikena është gjithmonë e gatshme për të ndihmuar.
“Realisht je e gjindshme për çdo gjë dhe të falënderoj”-tha ajo.
E prekur nga fjalët e saj, Brikena e falënderoi Kejsin për mbështetjen dhe e cilësoi një vajzë me vlera të mëdha.
Ndërkohë, Mateo Borri dhe Brikena Selmani vijojnë të shijojnë historinë e tyre të dashurisë edhe pas përfundimit të Big Brother VIP Albania, duke ruajtur një raport të afërt edhe me familjarët e njëri-tjetrit.
