“Top Arena”, emision i dedikuar për Botërorin 2026, ka hyrë në natën e dytë të tij. I ftuar së fundmi në emision është edhe këngëtari i njohur Blero, i cili së fundmi i ka hyrë edhe menaxhimit të futbollistëve, ku ka arritur të përmbyllë transferimet e para.
Brikena, pjesë e emisionit, i ka bërë një intervistë të veçantë Bleros, teksa ky i fundit nuk ka hezituar të këmbejë rolet me ish-banoren e Big Brother dhe ta pyesë në lidhje me marrëdhënien me Mateon. Brikena la të kuptohej se marrëdhënia e çiftit më të përfolur të momentit ka marrë fund.
Brikena: Je bërë viral për shprehjen “po s’të deshi familja, s’të don as kojshia”…
Blero: Ka qenë bisedë mes meje dhe Metit në Big Brother, por e përgëzoj atë që ka bërë montazhin, sepse është shumë kreativ.
Brikena: Ke menduar të shkruash ndonjë libër meqë ke bërë shumë shprehje të njohura?
Blero: Mund ta bëj, por autobiografik.
Brikena: Ke nisur si menaxher, si po e përjeton?
Blero: E kam ndjekur gjithnjë futbollin, është dashuria ime. Gjithnjë i kam ndihmuar të rinjve në muzikë dhe tashmë po mendoj t’i ndihmoj edhe në sport.
Brikena: Je bërë baba për herë të dytë. Si ndihesh që tashmë je baba i një djali?
Blero: Vajza ime do të mbesë gjithnjë numri 1 në jetën time, sado fëmijë të kem. Djali është ende i vogël, por fëmija është fëmijë dhe është i shenjtë.
Brikena: Si jeni njohur me bashkëshorten?
Blero: Përmes shoqërisë së përbashkët.
Brikena: Si ju bëri për vete?
Blero: Kur ja vë syrin një femre, nuk ka mundësi të bëhet ndryshe.
Brikena: I ke dhënë fund beqarisë për herë të tretë. Çfarë keni fituar dhe humbur nga këto eksperienca?
Blero: Jam pasuruar në kuptimin e jetës dhe vendimeve të mia. Nuk jam pishman për asgjë, është një mësim jetësor dhe jam krenar që kam pasur të bëj me persona të tillë. Një pyetje për ty Brikena, ka marrë fund mes teje dhe Mateos?
Brikena: Ke nisur të bësh pyetje edhe ti?
Blero: Për shkak se Top Channel ndqiet shumë dhe fansat më pyesin. Do të doja shumë të ishit bashkë. Edhe fansat më shkruajnë dhe më thonë të ndërhyj që të ktheheni bashkë. Unë nuk e dija që nuk jeni më bashkë.
Blero: Çdo kujtim që kam krijuar deri më sot ka qenë i bukur. Do të kem gjithnjë respekt për Mateon dhe gjithçka që kemi bërë bashkë.
Brikena: Do të bënit duet me Gjestin?
Blero: Unë e njoh prej kohësh, e kam mbështetur, por ende asnjë falënderim nuk kam marrë prej tij.
