Ols Dado, ish noteri i grupeve kriminale që u bë prokuror në shkelje të ligjit dhe falë mikeshës së tij Ina Rama, ka nisur të sulmojë Gjykatën Kushtetuese pasi kjo gjykatë vendosi të shtynte vendimmarrjen për kryebashkiakun e Tiranës Erion Veliaj për t’a liruar ose jo nga paraburgimi. Përmes zëdhënësit të tij jozyrtar Vesho Mallisti, Osl Dado e ka cilësuar Gjykatën Kushtetuese ‘letër higjenike’ dhe ‘han pa porta’ sepse nuk doli me vendim për Veliajn ditën e seancës së shqyrtimit të kërkesës për t’u liruar nga paraburgimi.
Me sa duket Ols Dado ka pasur pritshmëri që Kushtetuesja të rrëzonte që atë ditë, 20 maj, kërkesën e kryebashkiakut të Tiranës, i cili vijon betejën kundër përndjekjes së sëmurë nga një pseudoprokuror, i cili i kërkonte Veliajt leje në ndërtimi për pallatin e tij dhe më pas leje për shtesë pallati në kundërshtim me ligjin. Duket se Ols Dado e pandeh Gjykatën Kushtetuese me vartësin e tij, Samet Gurgurin, të cilin ia lëshoi Erion Veliaj në përmbushje të hakmarrjes së tij.
Krahas betejës për të hequr masën e paraburgimit, Erion Veliaj ka nisur edhe një betejë tjetër ligjore në Gjykatën Administrative të Tiranës për shkarkimin nga detyra të Ols Dados, i emëruar prokuror pa plotësuar kriteret, në kundërshtim flagrant me ligjin e kohës. Kërkesa po shqyrtohet nga gjyqtari Hazbi Balliu, i cili po tenton të shpëtojë Ols Dadon me procedurë, duke minuar përfundimisht besimin e publikut tek drejtësia dhe mundësinë e drejtësisë së re për t’u vetëkorrigjuar.