Kriza aktuale energjetike e nxitur nga lufta në Iran pritet të ketë efekte afatgjata. Parashikimi u deklarua nga komisioneri evropian për Energjinë, Dan Jørgensen, në konferencën për shtyp për prezantimin e planit evropian kundër krizës energjetike të shkaktuar nga lufta në Iran.
“Duhet të jemi të qartë dhe të drejtpërdrejtë kur përshkruajmë llojin e krizës që po përjetojmë. Nuk bëhet fjalë për një rritje të lehtë të çmimeve në afat të shkurtër. Kjo do të thotë se na presin muaj, ose ndoshta edhe vite, shumë të vështira, të varura natyrisht, nga zhvillimet në Lindjen e Mesme” tha Dan Jorgensen, Komisioner Europian për Energjinë
Jorgensen thekson se edhe në skenarin më të mirë, situata mbetet serioze.
Nëse supozojmë se nesër vjen paqja, do të duhen, për shembull, dy vjet, ndoshta edhe më shumë, që Katari të rindërtojë infrastrukturën e tij të prodhimit dhe transportit të gazit. Kjo do të thotë se çmimet e LNG-së në tregun botëror nuk do të stabilizohen dhe as nuk do të ulen në dy vitet e ardhshme”, sqaroi komisioneri evropian.
Rikthimi në një cikël normal prodhimi sidomos për naftën, sipas Komisionerit mund të vijë shpejt por edhe këtu për shkak të sulmeve që janë kryer ndaj infrastrukturës prodhuese në lindjen e mesme, koha e rikthimit të ritmeve përara luftës do të dojë javë ndoshta muaj e cila ka edhe koston e kohës së transportit.
“Për naftën, situata është pak më ndryshe. Me shumë gjasa pritet që kapaciteti i prodhimit të mund të rritet relativisht shpejt, edhe nëse infrastruktura është shkatërruar, por gjithsesi do të duhen nga dy deri në katër javë. Dhe pastaj, sigurisht, duhet edhe koha për t’i sjellë produktet në Evropë. Pra, edhe skenari më i mirë parashikon një situatë mjaft negative për muajt e ardhshëm, dhe efektet do të ndihen për vite” thotë Jorgensen.
Komisineri europian për energjinë shpjegon se në skenarin më të keq, që varet nga zhvillimet gjeopolitike, do të flitej për pasoja të gjera dhe të përhapura për ekonominë e gjithë BE.
