Presidentja e përkohshme e Venezuelës, Delcy Rodríguez, ka ofruar bashkëpunim me Shtetet e Bashkuara të Amerikës, duke sinjalizuar për herë të parë një ulje të tensioneve pas operacionit amerikan që çoi në arrestimin e presidentit Nicolás Maduro.
Sipas Reuters, Rodríguez tha se qeveria e saj po i jepte përparësi një lëvizjeje drejt marrëdhënieve të respektueshme me Shtetet e Bashkuara.
Megjithatë, më herët ajo dhe zyrtarë të tjerë e kishin quajtur ndalimin e Maduros dhe gruas së tij, Cilia Flores, një rrëmbim dhe thanë se Maduro mbetet udhëheqësi legjitim i kombit.
Pas këtyre deklaratave, shefi i Shtëpisë së Bardhë tha se mund të urdhërojë një tjetër sulm nëse Venezuela nuk bashkëpunon me përpjekjet e SHBA-së për të hapur industrinë e saj të naftës dhe për të ndaluar trafikun e drogës.
Gjykata Supreme e Venezuelës zyrtarisht e caktoi Rodríguez si presidente të përkohshme.
