Policia e Kurbinit ka finalizuar operacionin e koduar “Violent”, pas një rasti të rëndë dhune në familje. Ngjarja u raportua pasi R. Gj., 29 vjeç, ushtronte dhunë fizike ndaj babait të tij, K. Gj., 66 vjeç, dhe më pas u largua me shpejtësi nga banesa, duke u konsideruar person me rrezikshmëri të lartë.
Menjëherë pas njoftimit, shërbimet e Komisariatit të Policisë Kurbin mbërritën në vendngjarje dhe nisën hetimet e para. Për shkak të sjelljes së dhunshme të të riut dhe precedentëve të tij (i dënuar më parë për dhunë në familje), Policia kërkoi mbështetjen e Forcës Kombëtare të Sigurisë.
Pas disa orësh kërkimesh intensive dhe operacione të koordinuara mes Policisë së Kurbinit dhe Njësisë së FKS në Tiranë, 29-vjeçari u lokalizua dhe u vu në pranga.
Gjatë kontrollit në banesën e tij, u gjet edhe 105 gramë kanabis, çka shton akuzat ndaj tij.