Të paktën katër persona janë vrarë të shtunën në mbrëmje, 29 nëntor, pas një sulmi me armë në një festë ditëlindjeje në Kaliforni.
Siç raporton BBC, dhjetë të tjerë u plagosën gjatë të shtënave në një restorant në qytetin verior të Stocktonit. Autori i dyshuar është ende në arrati dhe policia beson se sulmi mund të ketë qenë i organizuar.
Zyra e sherifit të qarkut San Joaquin tha se ngjarja ndodhi pak para orës 18:00 me orën lokale, ndërssa zëdhënësja Heather Brent e përshkroi ngjarjen si të pabesueshme.
Në një deklaratë zyrtare thuhet:
Hetimet po vijojnë ende. Informacionet për momentin janë të kufizuar, ndërsa po shqyrtohen të gjitha pistat.
Nënkryetari i bashkisë së Stocktonit, Jason Lee, shkroi në rrjetet sociale:
Jam thellësisht i tronditur nga lajmi për të shtënat masive në një festë ditëlindjeje fëmijësh. Një festë ditëlindjeje nuk duhet të jetë kurrë një vend ku familjet të kenë frikë për jetën e tyre.