Personi me biçikletë që shihni ne pamje është autori i vendosjes së tritolit në banesën e deputetit të PD, dhe ish-kryetarit të bashkisë Kamëz, Xhelal Mziu. Kamerat në afërsi të banesave kanë fiksuar lëvizjet e autorit të dyshuar.
Dyshime të reja janë ngritur nga grupi hetimor, sipas të cilëve ky person është edhe autori i tritolit në lokalin në Kamëz. E për më tepër janë ngritur dyshime se i njëjti person fshihet pas të paktën 6 vënieve të tritolëve të shënuara gjatë viti të fundit jo vetëm në Kamëz, por edhe në zona të tjera të Tiranës.
Kamerat e sigurisë në të gjitha ngajarjet fiksojnë të njëjtat lëvizje, autori është i maskuar si punëtor me rroba të errëta dhe largohet me biçikletë nga vendi i ngjarjes.
Po ashtu në lidhje më vendosjen e tritolit të lokali në Kmaëz, janë zbardhur detaje të reja. Burime për mediat bëjnë me dije se disa ditë përpara ngjarjes, Florin Domi, i cili ka një biznes në afërsi të lokalit, ka thirrur pronarin Saimir Sina duke i thënë se po e kërkon Jeton Lami. Sina ka shkuar dhe e ka takuar Lamin ku ky i fundit i ka thënë që pse na kundërshton. Sina i ka thënë që nuk i njihte fare.
Pas kësaj ashtu si është raprtuar edhe më parë, Lami i ka kërkuar 500 mijë euro, duke e kërcënuar se nëse nuk e bënte do e shikonte çfarë do pësonte. Pronari i lokalit ka kundërshtuar, dhe pas kësaj është larguar drejtë italisë ku edhe jeton. Ndërkohë, Flogert Mzhika ka shkuar dhe ka takuar dy kunetërit që e kishin marrë me qira biznesin ku u ka thënë se nuk do t’a gëzojnë dot. Autori i tritolit dyshohet të jetë anëtar i këtij grupi, ende i paidentifikuar nga policia, por që sipas burimeve dyshohet se është i njëjti person i vendosjes së lëndës shpërthyese te Mziu dhe në disa raste të tjera.
Kujtojmë se shpërthimi me tritol në vilën e Mziut ndodhi rreth orës 1:00 të mëngjesit, të 19 shtatorit, duke lënë pas dëme materiale. Vila 2 katëshe ku banon deputeti i PD , është e rrethuar me mur dhe kangjella, territor brenda të cilit ndodhen edhe disa vila të vëllezërve e familjarëve të tij.
Ndërsa shpërthimi me tritol në restorantin Perla e Detit ndodhi më 15 nëntor, por u zbardh një ditë më pas. Tre u arrestuan, ish-efektivi Jeton Lami, Florin Domi dhe Flogert Mëzhika.Dhe në kërkim u shpall personi me rekorde kriminale Ervis Lami dhe një person tjetër i paidentifikuar.