Gjatë vizitës në Katar, kryeministri Edi Rama është takuar edhe me Drejtorin e Përgjithshëm të Qatar Airways, Ing. Badr Mohammed Al-Meer.
Kreu i qeverisë pohon se mes diskutimeve të tyre ka qenë edhe mundësia për hyrjen e kompanisë prestigjioze në Shqipëri.
“Ishallah do të kemi së shpejti fluturimet e Qatar Airways për Tiranë”, tha ai në rrjetet sociale.
Kryeministri Rama shoqërohej në këtë takim me Al-Meer nga ministri për Pushtetin Vendor, Ervin Demo.
Kujtojmë se të dielën, Rama u takua me homologun e tij në Katar, Mohammad bin Abdulrahman bin Jassim Al Thani, i cili është njëkohësisht edhe ministër i vendit.
Siç bëri me dije ai, takimi u fokusua mbi thellimin e bashkëpunimit mes dy vendeve dhe diskutimin e disa projekteve me peshë të rëndësishme për Shqipërinë