Përmbytje të tokave bujqësore, prezencë uji në banesa dhe biznese është situata e raportuar kryesisht në qarkun e Lezhës, bashkia Kurbin si pasojë e reshjeve te shiut me itensitet te dendur. Rreth 80 familje në fshatin Shpërdhet mbeten të izoluara, pasi prurjet e mëdha të lumit Droje kanë shembur rrugën hyrëse në një gjatësi prej rreth 100 metrash.
Vështirësi të mëdha raportohen edhe në rrugën që lidh fshatin Gallatë me Vinjollin në Kurbin, e cila vijon të jetë e bllokuar si pasojë e vërshimit të ujërave malorë që kanë dëmtuar rëndë infrastrukturën. Situata janë shënuar edhe në Tropojë, Kukës , në aksin Skurraj–Burrel, me rënie gurësh dhe inertesh në trupin e rrugës.Edhe në akset Ersekë – Leskovik – 3 Urat, Elbasan–Rrogozhinë-Qafë Thanë Ka pasur rënie inertesh. Grupet e punës së ARRSH janë në terren , sakaq edhe punonjës të policisë rrugore . Për sa i përket furnizimit me energji elektrike, OSSH ka vënë në dispozicion rreth 1500 punonjës.
Aktualisht janë jashtë pune 26 fidera të rrjetit të tensionit të mesëm. Rrjeti që furnizon hidrovorët është funksional dhe pa defekte, ndërsa po m,bahet nën monitorim situata në Fierzë ku parashikohen reshjesh deri në 80 mm dhe në Koman–Vau i Dejës ku parashikohen rreth130 mm reshje në basen. Furnizimi me ujë është normal në të gjithë vendin.. Në porte probleme me ankorimin pati vetëm në Vlorë, ku trageti që vinte nga Brindizi priti 4 orë në radë, ndërkohë në aeroporti Ndërkombëtar “Nënë Tereza” nuk raporton probleme apo ndërprerje të operimeve.