Puna në fundjavë rrit rrezikun e depresionit

Nëse vazhdimisht punoni jashtë orarit dhe më shumë sesa ç’rekomandohet, le t’ju rikujtojmë sa e rëndësishme është të gjeni një zgjidhje për të pushuar më shumë.

Studimet e reja sugjerojnë se femrat që punojnë për orë të gjata janë më të rrezikuara nga depresioni – më shumë sesa meshkujt që punojnë në të njëjtin orar.

Gjithashtu, studimet thonë se edhe puna në fundjave mund të jetë kontribues i problemeve të ndryshme të shëndetit mendor.

Analiza e të dhënave me 22,000 punëtorë ka zbuluar se femrat që kishin punuar me orar të gjatë (më shumë sesa 55 orë në javë), kanë qenë 7.3% më të prira të kenë simptoma depresive sesa femrat që punojnë 35-40 orë në javë.

Shkencëtarët gjithashtu kanë theksuar se puna gjatë vikendeve lidhet me një rrezik më të lartë të depresionit te dy gjinitë, ku femrat që punojnë në fundjave kanë 4.6% shanse të jenë më depresive, ndërkaq meshkujt 3.4%.

Ata kanë theksuar se lidhja mes punës në fundjave dhe depresionit mund të jetë për shkak se ata që punojnë fundjavave gjithashtu kanë tendenca të bëjnë punë që paguhen më pak, ku depresioni është më prezent.

Edhe pakënaqësia me punën mund të kontribuojë në ato ndjenja depresive.

Loading...

Komente