Italia po përjeton krizën më të rëndë që nga lufta e dytë botërore

Kjo që po kalon Italia është kriza më e madhe e kaluar ndonjëherë që nga lufta e dytë botërore. Të gjitha bizneset do të mbyllen, do të qëndrojnë hapur vetëm supermarketet dhe farmacitë, për të mundësuar plotësimin e nevojave jetike të njerëzve, ndërkohë që çdo aktivitet prodhues dytësor do të mbyllet.

Kështu është shprehur kryeministri Giuseppe Conte, në një kohë kur dje numri i të vdekurve brenda 24 orëve si pasojë e Covid-19 theu rekord; saktësisht 793 viktima.

“Është kriza më e vështirë që vendi po jeton që nga Lufta e Dytë Botërore. Do të vijojnë të qëndrojnë të hapura të gjitha supermarketet, dyqanet ushqimore. Nuk ka asnjë arsye për të ndenjur në radhë dhe për të nxituar për blerje. Do të qëndrojnë hapur farmacitë, shërbimet bankare, postat; do të sigurojmë të gjitha shërbimet thelbësore publike, siç është transporti”, u shpreh Conte.

Në Itali raportohen 53,578 të infektuar dhe 4,825 viktima.

Nese ju pelqeu ky artikull, ju lutem beni like/Share ne butonin me siper. Faleminderit!

Loading...

Komente