Cfarë po ndodh me Real Madridin?

Real Madridi ka pësuar humbje prej 1-0 në përballëjen e javës së tetë në La Liga, të zhvilluar si mysafir i Deportivo Alavesit.

Në ndeshjen e zhvilluar në Estadio de Mendizorroza, asnjëra nga skuadrat nuk arriti ta gjente rrjetën në gjysmën e parë të takimit.

Karim Benzema dhe Jonathan Calleri i patën rastet më të mira për skuadrat e tyre në pjesën e parë.

Në fraksionin e dytë, Casemiro, Ruben Duarte dhe Jony rrezikuan me shanset e tyre që nuk i konkretizuan.

Kur pritej që takimi të mbyllej pa gola, Manu Garcia ishte në vendin e duhur, në kohën e duhur, për të shënuar me kokë (90’+5).

Ky ishte një hap i gabuar për Real Madridin, pasi Barcelona tash e ka mundësinë të shkëputet në krye të tabelës.

Nga ana tjetër, ky është një sukses i madh i për Deportivo Alavesin që është ngritur në pozitë të tretë në tabelë dhe ka pikë të barabarta me dy liderët (nga 14).

Në ndeshjen e ardhshme Reali do të luajë ndaj Levantes, kurse Alavesi luan si mysafir i Celta Vigos.

Loading...

Komente