Akademiku, fizikanti, matematiceni dhe astrofizikanti Stephen William Hawking, në një intervistë për “The Telegraph” në vitin 2001 e kishte parashikuar daljen jashtë kontrollit të kësaj situate.
Ai që në atë kohë deklaronte se 11 shtatori – rënia e dy kullave binjake në Nju Jork – nuk është asgjë para kërcënimit që i vjen racës njerëzore nga biologjia dhe krijimi i një virusi që do të na shkatërrojë.
“11 Shtatori sado i tmerrshëm qe, nuk e ka kërcënuar mbijetesën e racës njerëzore siç bëjnë armët berthamore.
Po kur mendoj më gjatë, më preokupon më shumë biologjia.
Armët bërthamore kanë nevojë për struktura të mëdha, kurse inxhinieria gjenetike, mund të realizohet nëpër laboratore të vegjël.
Nuk mund të kontrollohen gjithë këto laboratore të botës.
Rreziku është se rastësisht krijojmë ndonjë virus që do na shkatërrojë.
Nuk më vjen të besoj se raca njerëzore mund të mbijetojë në mijëvjetëshin që vjen, pa kolonizuar hapesirën.
Janë kaq shumë aksidentet që mund të ndodhin në jetën e një planeti.
Po unë jam optimist në jetë. Do mbërrijmë yjet…”, thotë Hawking në atë kohë.