Të gjitha gazetat në Itali i kushtohen Astorit

Vdekja e Davide Astorit ka të prekur gjithë futbollin botëror, mbi të gjitha atë italian.

Kapiteni i Fiorentinas vdiq në dhomën e hotelit në Udine ku Viola ishte duke qëndruar në pritje të përballjes ndaj Udineses.

31-vjeçari vdiq pasi pësoi sulm në zemër teksa ishte duke fjetur dhe pas gjithë kësaj ngjarje gazetat e mëdha italiane faqen e parë ia kushtuan Astorit.

La Gazzetta dello Sport, në faqe të parë kishte Astorin me titullin kryesor ‘Forca e Davides’ dhe me informata të shkurta: ‘Davide Astori, 1987-2018‘, ”Zemra e kapitenit të Fiorentinas ndali teksa ai ishte në gjumë. Ai ishte në hotelin e Udines para ndeshjes. Futbolli në shok, Serie A shtyhet”.

Corriere dello Sport, titullin për Astorin e kishte: “Një djalë, burrë dhe baba” dhe pastaj vazhdonte me info: Davide Astori vdiq në gjumë. Futbolli ndalon të mbajë zi për kapitenin e Fiorentinas: një person i mirë që la pas prindërit, gruan Francescan dhe vajzën dy vjeçare.

“Lamtumirë kapiten“, ishte titulli kryesor në kryefaqen e TuttoSport, e cila pastaj vazhdonte me një tekst të shkurtë informues: Futbolli ndaloi pas vdekjes së papritur të Davide Astorit, lideri i Fiorentinas u gjet pa jetë në dhomën e hotelit në Udine.

Loading...

Komente