Kupa e Italisë, Milan vazhdon më tej

Ishte Milan qe doli fitues pas 120 minutash të luajtura në San Siro kundër Interit, duke vazhduar me tej në kupën e Italisë.
Inter e nisi vrullshem ndeshjen duke kontrolluar lojen dhe posedimin e topit.

Giacomo Bonaventura pati një prej rasteve të mira në gjysmën e parë, por Samir Handanovic intervenoi për mrekulli.

Zikaltrit arritën të shënonin me anë të Ivan Perisic, mirëpo goli u anulua pasi gjyqtari kërkoi ndihmën e VAR.

Suso nga njëra anë dhe Icardi nga ana tjetër patën rastet e tyre, sidoqoftë skuadrat shkuan në pushim me rezultatin e fillimit të ndeshjes.

Pas një ore lojë, Joao Mario pati një rast shumë të mirë, mirëpo Antonio Donnarumma ia mohoi golin.

Në vazhdim, Suso dhe Bonaventura patën mundësi shënimi për Rossonerët, por nuk i shfrytëzuan rastet e tyre.

Suso rrezikoi sërish me një goditje, me ç’rast topi u përplas për shtyllën transversale.

Deri në mbyllje të kohës së rregullt nuk pati gola, ashtu që ndeshja shkoi në vazhdime për ta caktuar fituesin.

Më në fund erdhi goli, edhe atë në pjesën e parë të vazhdimeve. Suso dhuroi një asistim shumë të bukur në zonë dhe 19-vjeçari Patrick Cutrone doli në shans dhe shënoi (104′).

Me golin e talentit italian edhe u vendos Derby della Madonnina në kuadër të Coppa Italia.

Milani në gjysmëfinale të Kupës së Italisë do të luajë kundër Lazios që eliminoi Fiorentinan.

Loading...

Komente